Felipe Arrese Beitia (Otxandio, 1841-1906).

Eskultorea zan. Elizondoko Lore Jokoetan (1879) saria irabazi eban. Sarritan parte hartzen eban sasoiko lehiaketetan (hamalautan suertau zan irabazle) eta aldizkarietan be idazten eban. Arrakastea lortu eban tentsino politiko handia egoan urte hareetan, batez be ederto adierazo ebalako jenteak somatzen eban hondamendi-sentimentua foruak galduak ziralako. Arrese Beitiak euskera baztertzeagaz lotu eban euskal askatasunaren galerea. Arrese Beitiaren estiloan nabarmenak dira baliabide erretorikoak: errepikapenak, paralelismoak, galdera pilatuak, sentimentalismoa, alegoriak... Indarra agiri da bere lanetan eta, azken buruan, errez eta zuzen adierazo zituan herri baten bizi-gurea eta noraeza.

Obrak:

1. Ama Euskeriari azken agurrak
Olerki sorta honegaz irabazi eban Elizondoko Lore-jokoetan.
2. Ama Euskeriaren liburu kantaria (Bilbo, 1900).
Ordurako olerkien bildumea.
3. Asti-Orduetako bertsozko lanak (1902).
4. Olerkiak (1933)
Arrese Beitiaren olerki guztien bildumea.

________________________________________________