Izenak erakusten dauen lez, ez gagoz bizkaitar baten aurrean, baina ez dago ukatzerik gizon honen eragina euskalki guztien garapen eta ekoizpenean. Euskal idazle askoren bultzatzaile eta mezenas izan zan. 50 urtez jardun eban euskerea ikertzen bertoko hainbat eta hainbat laguntzailegaz. Bizkaiko laguntzaile nagusia, duda barik, Jose Antonio Uriarte frantziskotarra izan zan. Hizkuntzalari honi zor jako, beste gauza askoren artean, oraindino be gehien erabilten dan euskalkien sailkapena:
Deux Cartes des sept Provinces basques (1869).

Azkuek, bere hiztegian, holan autortzen eban Bonaparteri eutsan zorra:

"Nik ez dakit lerro honeek idazten diharduan honek, -bere aitak egin eban modura- olerkiak egiteaz ganera ezer gehiago egingo ebanik, Bonaparte handia ezagutu izan ez baleu, eta berari esker euskerearen ikerkuntzan, neurri apalean bada be, zaletu izan ez balitz".

________________________________________________