Bartolome Madariaga Markina-Etxebarrian jaio zan 1768. urtean eta 1835ean hil.

Lazkaon, Iruñean eta Tuteran ikasi eban, eta predikari eta idazle karmeldarra izan zan. Ikasikizunak izeneko erlijino-lan zabala idatzi arren, beste bat da ospea emon eutsan liburua: Euskal herrietako olgeta ta dantzen neurrizko gatz-ozpindua. Idazlan horretan sutsu agiri da Frai Bartolome dantzen kontra. Gaia albo batera lagata, nabarmena da liburuan agertzen dauen jarioa eta etorria; sinonimo ugari eta antzeko berben zerrendak erabilten ditu adierazkortasuna azaltzeko, eta erdarakadak be franko, helburu beragaz; joskerea be guztiz jatorra eta malgua darabil.

Obrak:

1. Euskal-Errijetaco Olgueeta ta Dantzeen neurrizco-gatz-ozpinduba
2. Jaungoicoaren amar aguindubeetaco lelengo bosteen icasiquizunac
3. Jaungoicoaren amar aguindubeetaco azqueneco bosteen icasiquizunac
4. Eleizaco zaspi sacramentuben icasiquizunac
5. Plauto bascongado o el bascuence de Plauto en su comedia Poenulo
6. Impugnacion del Manual de la lengua vasca impreso en Bayona de Francia el año 1828 por Mr. Lécluse

http://www.euskaltzaindia.net/Inicio_e.htm

________________________________________________